"Манчестер Юнайтед"нинг собиқ футболчиси, ҳозирда Sky Sports эксперти Гари Невилл "Манчестер Сити" бош мураббийи Хосеп Гвардиоланинг қарорига муносабатини билдирди.
Испаниялик мутахассис АПЛнинг 26-турида "Бёрнли"га қарши учрашувда (1:1) жамоанинг захира ўриндиғида 7 футболчи ўрнига 6 футболчини жойлаштирди. Гвардиола буни бошқа футболчилари йўқлиги билан изоҳлаган.
"Ўйлашимча, бу ҳазил бўлса керак, аниқ ҳазил. "Сити"нинг ёшлар амоаси мураббийига қўнғироқ қилиб, ундан нечта шогирдлари асосий таркибга тайёр ёки муносиблигини сўранг. Бу мавсумда ким яхши ўйнади ва кўп ишлади. Ўринбосарлар таркиби кеча ўйнаган бўлса ҳам, улардан бирини захирага қўйинг. Ёш ўйинчиларни сафарга олиб кетинг, премьер-лигада тажриба олсин.
Агар сиз акдемия ёки ўринбосарлар мураббийи бўлсангиз, "мен вақтимни бекор ўтказяпман экан" дейишингиз мумкин. Қанча пул сарфланганини унутинг. Захира ўриндиғида олти ўйинчи... Бу норозиликка ўхшайди", - дейди Невилл.
