Pol Pogba futbolchilik faoliyatini 6 yoshida Parijning «Ruassi-an-Bri» klubi maktabida boshlagan. U yerda 7 mavsum o‘ynab «Torsi» klubiga o‘tadi va 1 yil shu jamoaning sardori bo‘lib to‘p suradi.

2007 yilda Pogba “Gavr” klubi skautlari qiziqishlariga tushadi va o‘zining ajoyib o‘yinlari bilan “Arsenal”, “Liverpul” va “Yuventus”kabi grandlar diqqat markazida bo‘ladi.

2009 yil 6 oktyabrda Pol“Manchester Yunayted”ga o‘tadi. Dastlab jamoaning 18 yoshgacha bo‘lgan o‘smirlar tarkibida “Kru Aleksandra” jamoasiga qarshi debyut qiladi. Bu o‘yin Pol uchun omadsiz o‘tib, jamoasi 1:2 hisobida mag‘lub bo‘ladi.

2010 yil noyabr oyida Pogba “Yunayted”ning zaxira tarkibiga kiritiladi. 2 noyabr kuni “Bolton Uonders”ga qarshi maydonga tushib jamoasi bilan 3:1 hisobida g‘alaba qozonadi va u gol kiritishga erishadi.

2011 yil. 19 fevralda Ser Aleks Fergyuson yoshlar akademiyasidan Pogba va yana 3 futbolchini Angliya Kubogi 5-bosqichida “Krouli Taun” jamoasiga qarshi qaydnomaga kiritadi. Bundan oldin Pogba jamoada “42” raqamda to‘p surar edi. Ammo Pol bu o‘yinda maydonga tushmagan va zaxirada qoladi.

Pogbaning “MYU” asosiy tarkibidagi debyuti 2011 yil 20 sentyabr kuniga to‘g‘ri keladi. Bu o‘yin Angliya Liga Kubogida “Lids”ga qarshi bo‘lib, Polikkinchi bo‘limda Rayan Giggzning o‘rniga tushadi.

2011 yil 25 oktyabrda esa u asosiy tarkibdagi navbatdagi bahsini Angliya Liga Kubogi 4-bosqichida “Oldershot Taun” jamoasiga qarshi o‘tkazadi.

2012 yil 31 yanvar kuni Pogba APLdagi debyutini nishonlaydi. Bu o‘yin “Stok Siti”ga qarshi bo‘lib, u Xaver Ernandesning o‘rnini egallaydi.

O‘sha yilning 11 martida Pol ligadagi ikkinchi o‘yinini “Vest Bromvich”ga qarshi o‘tkazadi va Pol Skoulzning o‘rniga zaxiradan maydonga tushadi.

3 iyulda Aleks Fergyuson Pogbaning o‘yinlaridan qoniqmasdan uni tarkibga boshqa jalb etmasligini ta’kidlab o‘tgan. Shundan so‘ng fransiyalik iqtidor “MYU” bilan yangi shartnoma imzolashni istamaydi va 27 iyulda Turinning “Yuventus” klubi bilan 4 yillik shartnomaga imzo chekadi. Pogba A seriyada dastlabki mavsumda 19 yoshida 5 va undan ko‘p gol urgan ikkinchi futbolchiga aylanadi. Undan oldin bu natijani Alessandro Del Pero qayd etgan.

2013 yilda “Yuventus” tarkibida o‘ynab “Golden Boy” sovrini sohibi bo‘ladi. Bundan tashqari, bir necha bor Italiya chempionligi, Kubogi va Superkuboklarini qo‘lga kiritadi.

2016 yil 7 avgust kuni “Manchester Yunayted” rasmiy sayti Pogbaning tibbiy ko‘rikdan o‘tgani haqida xabar berdi. Oradan 2 kun o‘tib Pol Pogba “qizil iblislar” bilan 5 yillik shartnoma tuzadi. Bu transfer o‘sha vaqtda futbol tarixidagi rekord bo‘lib, uning qiymati 105 million yevroni tashkil etadi.

Uning amalga oshishida taniqli futbol agenti Mino Rayola asosiy ijrochi bo‘lib xizmat qiladi va bundanu 25 million yevro ishlab oladi. “Yuventus” esa 78 million yevroga ega bo‘ladi.

2016 yil 19 avgust kuni Pogba o‘zining qaytishini “Old Trafford”da APL doirasida “Sautgempton”ga qarshi o‘tkazadi. Bu o‘yinda 90 daqiqa harakat qilib to‘p uzatishlar va to‘p bilan muomala qilish bo‘yicha yetakchilik qiladi.

24 sentyabr kuni Pogba “MYU”dagi dastlabki golini APL doirasida amaldagi chempion “Lester”ga uradi (4:1). Deyli Blindning burchakdan oshirgan zarbasini Pol darvozaga yo‘llaydi.

Pol Pogba “MYU”ning Yevropa Ligasi finalidagi dastlabki goli va jamoaning 2:0 hisobidagi g‘alabasida ishtirok etadi hamdakubokni dastlabki bor qo‘lga kiritishida katta rol o‘ynaydi.

Eslatib o‘tamiz, Polning “Manchester Yunayted” bilan amaldagi shartnomasi 2021 yil 30 iyulga qadar belgilangan.