Поль Погба футболчилик фаолиятини 6 ёшида Парижнинг «Руасси-ан-Бри» клуби мактабида бошлаган. У ерда 7 мавсум ўйнаб «Торси» клубига ўтади ва 1 йил шу жамоанинг сардори бўлиб тўп суради.
2007 йилда Погба “Гавр” клуби скаутлари қизиқишларига тушади ва ўзининг ажойиб ўйинлари билан “Арсенал”, “Ливерпуль” ва “Ювентус”каби грандлар диққат марказида бўлади.
2009 йил 6 октябрда Поль“Манчестер Юнайтед”га ўтади. Дастлаб жамоанинг 18 ёшгача бўлган ўсмирлар таркибида “Кру Александра” жамоасига қарши дебют қилади. Бу ўйин Поль учун омадсиз ўтиб, жамоаси 1:2 ҳисобида мағлуб бўлади.
2010 йил ноябрь ойида Погба “Юнайтед”нинг захира таркибига киритилади. 2 ноябрь куни “Болтон Уондерс”га қарши майдонга тушиб жамоаси билан 3:1 ҳисобида ғалаба қозонади ва у гол киритишга эришади.
2011 йил. 19 февралда Сер Алекс Фергюсон ёшлар академиясидан Погба ва яна 3 футболчини Англия Кубоги 5-босқичида “Кроули Таун” жамоасига қарши қайдномага киритади. Бундан олдин Погба жамоада “42” рақамда тўп сурар эди. Аммо Поль бу ўйинда майдонга тушмаган ва захирада қолади.
Погбанинг “МЮ” асосий таркибидаги дебюти 2011 йил 20 сентябрь кунига тўғри келади. Бу ўйин Англия Лига Кубогида “Лидс”га қарши бўлиб, Польиккинчи бўлимда Райан Гиггзнинг ўрнига тушади.
2011 йил 25 октябрьда эса у асосий таркибдаги навбатдаги баҳсини Англия Лига Кубоги 4-босқичида “Олдершот Таун” жамоасига қарши ўтказади.
2012 йил 31 январь куни Погба АПЛдаги дебютини нишонлайди. Бу ўйин “Сток Сити”га қарши бўлиб, у Хавер Эрнандеснинг ўрнини эгаллайди.
Ўша йилнинг 11 мартида Поль лигадаги иккинчи ўйинини “Вест Бромвич”га қарши ўтказади ва Пол Скоулзнинг ўрнига захирадан майдонга тушади.
3 июлда Алекс Фергюсон Погбанинг ўйинларидан қониқмасдан уни таркибга бошқа жалб этмаслигини таъкидлаб ўтган. Шундан сўнг франциялик иқтидор “МЮ” билан янги шартнома имзолашни истамайди ва 27 июлда Туриннинг “Ювентус” клуби билан 4 йиллик шартномага имзо чекади. Погба А серияда дастлабки мавсумда 19 ёшида 5 ва ундан кўп гол урган иккинчи футболчига айланади. Ундан олдин бу натижани Алессандро Дел Перо қайд этган.
2013 йилда “Ювентус” таркибида ўйнаб “Golden Boy” соврини соҳиби бўлади. Бундан ташқари, бир неча бор Италия чемпионлиги, Кубоги ва Суперкубокларини қўлга киритади.
2016 йил 7 август куни “Манчестер Юнайтед” расмий сайти Погбанинг тиббий кўрикдан ўтгани ҳақида хабар берди. Орадан 2 кун ўтиб Поль Погба “қизил иблислар” билан 5 йиллик шартнома тузади. Бу трансфер ўша вақтда футбол тарихидаги рекорд бўлиб, унинг қиймати 105 миллион еврони ташкил этади.
Унинг амалга ошишида таниқли футбол агенти Мино Райола асосий ижрочи бўлиб хизмат қилади ва бундану 25 миллион евро ишлаб олади. “Ювентус” эса 78 миллион еврога эга бўлади.
2016 йил 19 август куни Погба ўзининг қайтишини “Олд Траффорд”да АПЛ доирасида “Саутгемптон”га қарши ўтказади. Бу ўйинда 90 дақиқа ҳаракат қилиб тўп узатишлар ва тўп билан муомала қилиш бўйича етакчилик қилади.
24 сентябрь куни Погба “МЮ”даги дастлабки голини АПЛ доирасида амалдаги чемпион “Лестер”га уради (4:1). Дейли Блинднинг бурчакдан оширган зарбасини Поль дарвозага йўллайди.
Поль Погба “МЮ”нинг Европа Лигаси финалидаги дастлабки голи ва жамоанинг 2:0 ҳисобидаги ғалабасида иштирок этади ҳамдакубокни дастлабки бор қўлга киритишида катта роль ўйнайди.
Эслатиб ўтамиз, Полнинг “Манчестер Юнайтед” билан амалдаги шартномаси 2021 йил 30 июлга қадар белгиланган.
