Angliya chempionatining 26-turidan o‘rin olgan markaziy “Liverpul” – “Tottenxem” uchrashuvi yakuniga yetdi. Uchrashuvda dahshatli durang natija qayd etildi. O‘yinning 3-daqiqasida Muhammad Saloh hisobni ochgan bo‘lsa, 80-daqiqaga borib “Tottenxem” hisobni tenglashtirdi. Lekin yana o‘sha Saloh qo‘shib berilgan daqiqalarning birinchisida g‘alaba golini kiritdim deb juda ham xursand qiyofani o‘zlashtirgandi. Ammo Xarri Keyn so‘nggi 95-daqiqada javob to‘pini kiritib, jamoasini naqd mag‘lubiyatdan qutqarib qoldi. Keyn ham mazkur o‘yinda qulay vaziyat ya’ni 11 metrlik jarima zarbasini aniq nishonga ola bilmadi.

APL, 26-tur.

Liverpul – Tottenxem 2:2 (1:0, 1:2)

Gollar: 1:0 – 3 Saloh, 1:1 – 80 Vanyama, 2:1 – 90 Saloh, 2:2 – 90 Keyn.

Liverpul – Karius, van Deyk, Robertson, Aleksander-Arnold, Lovren, Firmino, Jan, Saloh, Milner (Matip, 78), Mane (Oksleyd-CHemberlen, 65), Xenderson (Veynaldum, 65).

Tottenxem –Lyoris, Sanches (Lamela, 71), Devis, Trippyer, Vertongen, Eriksen, Dembele (Vanyama, 79), Dayer, Alli, Son Xin Min (Lyorente, 90), Keyn.

Ogohlantirishlar: Aleksander-Arnold (42), Milner (58), Alli (69), Jan (90).