"Barselona" yarimhimoyachisi Filippe Koutinyo yangi jamoadoshlari haqida fikr bildirdi.

25 yoshli futbolchi ulardan ko‘p narsani o‘rganmoqchi.

"Andres, Leo, Luis, Serxio Buskets bilan biga to‘p surish - bu aqlbovar qilmas hissiyot. Bir vaqtlar men televizorda ko‘rgan yoki PlayStation'da o‘ynagan futbolchilar endi men bilan kiyinish xonasida gaplashib turibdi.

Inyesta — daho,undan nimadir o‘rganish men uchun faxr. Men bu yerga buyuk o‘yinchilardan tajriba o‘rganish uchun kelganman. Hamma kabi men ham Messini dunyoning eng zo‘r o‘yinchisi deb bilaman, u o‘yin taqdirini o‘zgartirib yuborishi mumkin bo‘lgan o‘yinchi, bu fantastika. Buning ustiga u haqiqiy inson. Luis bilan sa Angliyada tanishganman. "Barselona"ga kelishimdan avval u bilan ko‘p gaplashdim. U mening moslashimga yordam berdi, u haqiqiy yulduz", - deydi Koutinyo.