7 fevral kuni Namangan shahridagi markaziy stadionning anjumanlar zalida “Navbahor” futbol klubi mutasaddilari va xodimlari ishtirokida yig‘ilish o‘tkazildi. Unda Namangan viloyat hokimi, Oliy majlis Senati a’zosi, viloyat futbol assosiasiyasi prezidenti Xayrulla Bozorov, Namangan shahar hokimi, “Navbahor” PFK prezidenti Shavkat Abdurazzoqov, viloyat futbol assosiasiyasining birinchi vise-prezidenti Bahrom Xolmirzayev va boshqalar qatnashishdi.  Yig‘ilishni Namangan viloyat hokimi, viloyat  futbol assosiasiyasi prezidenti Xayrulla Bozorov olib bordi.

Xayrulla Bozorov klub tizimida o‘zgarishlar yuz berishi lozimligini ta’kidladi. Shundan so‘ng, tashkiliy masala ko‘rib chiqildi. Jumladan, tadbirkor Olimjon Isayev  Namangan futbol assosiasiyasi vise-prezidenti etib saylandi. Shu kungacha Namangan viloyat jismoniy tarbiya  va sport boshqarmasi boshlig‘i lavozimida faoliyat yuritgan Akramjon Dedabayev “Navbahor” jamoasi bosh direktori etib tayinlandi. Shu kungacha klub bosh direktori lavozimida ishlagan Nabixon Abdug‘aniyev esa markaziy stadion direktori etib saylandi.

Shundan so‘ng, “Navbahor” klubi bosh murabbiyi Ilhom Mo‘minjonov oldiga 3-o‘rin uchun kurash olib borish vazifasi qo‘yildi.