Toshkentning “Paxtakor” jamoasidan ijaraga olingan iqtidorli himoyachi Husniddin G‘ofurov Super liga-2018da “Neftchi” sharafini himoya qiladi. Yaqinda jamoa bilan shartnoma tuzgan G‘ofurov Farg‘ona klubi rasmiy saytiga intervyu berdi.
– Asosiy maqsadimiz “Neftchi”ni yuqori o‘rinlarga olib chiqish hisoblanadi, – deb gap boshladi G‘ofurov
– Farg‘onadagi tarixiy jamoa haqida barcha yaxshi biladi. Uning shonli tarixidagi natijalarini takrorlash bizning ustivor vazifamiz etib belgilangan. Jamoa murabbiylari bilan gaplashdik. Ular menga ishonch bildirishlarini aytishdi. Albatta ularning ishonchini oqlashga harakat qilaman.
Ochig‘i, “Paxtakor” bilan shartnoma tuzganimdan so‘ng Super liganing bir qator klublari meni ijaraga olish taklifi bilan chiqishdi. Ular qatorida “Neftchi” ham bor edi. Xech ikkilanib o‘tirmasdan “Neftchi”ni tanladim. Chunki bu jamoa men uchun qadrli hisoblanadi.
“Neftchi” muxlislari bizni qo‘llab-quvvatlashlarini istardim. Futbol muxlislar uchun. Biz aynan ishqibozlarimizning xursandchiligi uchun maydonga g‘alaba ilinjida chiqamiz. Ular yangi mavsumda jamoamizning haqiqiy 12-o‘yinchisi bo‘lishlariga ishonaman, – deb fikrlarini yakunladi Husniddin G‘ofurov
