“Lester” a’zosi Riyad Mahrez ayni damda klub mashg‘ulotlariga kelmay qo‘ygan. U “Manchester Siti”ning taklifiga rozi bo‘lmagani uchun “Lester” rahbariyatidan norozi. Biroq Professional futbolchilar ittifoqi prezidenti Gordon Teylorning aytishicha, agar Mahrez jamoa safiga qaytmasa, hech qanday maosh olmaydi.
“Agar Mahrez klubga qaytmasa, hech qanday maosh olmaydi. Aslida, futbolchilar futbol o‘ynashni istashadi. Bu yerda esa vaziyat boshqacha. O‘tgan haftada biz “Lester”ga vaziyatga aralashishni taklif qildik, ammo hech qanday javob olmadik”, dedi Teylor.
