"PSJ" hujumchisi Anxel Di Mariya TyC Sports nashriga bergan intervyusida "Barselona"ga o‘tmay qolgani va o‘zining ruhiy muammolari haqida gapirdi.
"Barselona" haqida
"Barselona"ga o‘tishga juda yaqin kelgandim, ammo futbolda iloji yo‘q narsalar ko‘p.
O‘z o‘yini haqida
2018 yilni juda yaxshi boshladim va bundan mamnunman. Menga gol urishdan ko‘ra golga to‘p oshirish ko‘proq yoqyapti.
Argentina termasi haqida
Biz uchta finalda o‘ynadik, ammo omadsizlik tufayli ularning bittasida ham g‘alaba qozona olmadik. Germaniya bilan zo‘r o‘ynadik, ammo omad kelmadi. Har xil hazillar o‘yinchilarga yomon ta’sir qiladi, terma amoadan ketish haqida o‘ylab qolasan, chunki sen bilan birga oilang ham iztirob chekadi.
Menga ruhshunos yordam berdi. U mendagi og‘irlik tushirishga yoradam berdi. Ruhshunos tufayli kompyuter oldida o‘tirib tabassum qilish osonligi bildim. Hozir menda hammasi joyida.
