Avval xabar berganimizdek, "So‘g‘diyona" Toshkentda yig‘inni davom ettirmoqda. Murabbiylar shtabi "Qizilqum" ga qarshi nazorat uchrashuvidan so‘ng jamoaga qisqa muddatli ta’til bergan edi. Jamoa yana Toshketda yig‘ildi va mavsumga tayyorgarlikni oxirgi bosqichiga kirishdi.
Jamoa murabbiylar shtabi Izzat G‘aniyev, Sherzod Jalilov, Arkadiy Galperen, Nodir Yo‘ldoshevlar bilan do‘stona xayrlashishga qaror qildi. Ularga jamoaning sharafini himoya qilishdagi mehnatlari uchun minnatdorchilik bildiramiz va keyingi faoliyatida omadlar tilaymiz.
Shuningdek, jamoa mashg‘ulotiga Osiyo chempioni Andrey Sidorov, "Qo‘qon-1912" jamoasidan Doniyor Hasanov, Jahongir Abdo‘mo‘minov ("Metallurg"), "Bunyodkor" jamoasidan Shohruz Norxonov, "Dinamo"dan Mirkomil Lokayev, “Paxtakor”dan Jamshid Yusupovlar kelib qo‘shilishdi.
Jizzaxliklar yig‘in davomida 10 fevral kuni "Navbahor”, 17 fevralda “Metallurg", 20 fevralda Tojikistonning "Istiqlol", 21 fevral kuni "Qo‘qon-1912" jamoalari bilan o‘rtoqlik uchrashuvlarini o‘tkazadi.
13 fevral kuni jamoa mavsum oldi normativlarni topshirishadi.
"So‘g‘diyona" matbuot xizmati.
