Londonning “Chelsi” klubi darvozaboni Tibo Kurtua avvalgi jamoasiga qaytishni xohlayotganini ma’lum qildi.
“Madridda farzandlarim yashaydi. Imkoniyat tug‘ilsa, Ispaniyaga qaytishni xohlardim. Lekin hozirgi holatda buning iloji yo‘q.
Ha, yuragim Madridga tegishli. Agarda mahalliy jamoa meni sotib olishni xohlasa, “Chelsi” rahbariyati bilan bog‘lanishi kerak.
Ommaviy axborotlarda “Real”ga darvozabon kerak degan xabarlarni ko‘rib qoldim. Ular bu joyga meni asosiy nomzod deb hisoblashmoqda. Hozircha esa bunga e’tibor bermayapman”, - deydi Kurtua.
