Лондоннинг “Челси” клуби дарвозабони Тибо Куртуа аввалги жамоасига қайтишни хоҳлаётганини маълум қилди.
“Мадридда фарзандларим яшайди. Имконият туғилса, Испанияга қайтишни хоҳлардим. Лекин ҳозирги ҳолатда бунинг иложи йўқ.
Ҳа, юрагим Мадридга тегишли. Агарда маҳаллий жамоа мени сотиб олишни хоҳласа, “Челси” раҳбарияти билан боғланиши керак.
Оммавий ахборотларда “Реал”га дарвозабон керак деган хабарларни кўриб қолдим. Улар бу жойга мени асосий номзод деб ҳисоблашмоқда. Ҳозирча эса бунга эътибор бермаяпман”, - дейди Куртуа.
