Londonning “Tottenxem” klubi yarim himoyachisi Erik Lamela YECHLning 1/8 finali oldidan “Yuventus”ga qarshi o‘yin haqida fikrlarini bildirib o‘tdi.
“O‘yinga tayyorman. Menimcha, bu sinovga jamoamiz bilan to‘liq tayyormiz. “Yuventus” juda kuchli raqib, ular ikki marta YECHL finalida qatnashishgan. “Keksa sinyora” bu musobaqada bizdan ko‘ra tajribasi ko‘proq.
Keyn yoki Iguain qay biri kuchli? Bu savolga javob berish qiyin. Chunki, ularning ikkisi ham dunyoning kuchli hujumchilaridan biri hisoblanishadi. Bu ikki shaxs ham o‘yin natijasini hech kim kutmagan paytda hal qilishga qodir”, - dedi Lamela.
