"Paxtakor" bugun "Mash’al"ga qarshi nazorat uchrashuvida maydonga tushdi.
35 daqiqadan davom etgan har ikki bellashuvda "sherlar"ning qo‘li baland keldi. Birinchi o‘yinda Ismoil Gonsalvesh va Jamshid Iskanderov kiritgan ikki to‘p "Paxtakor"ga g‘alaba keltirdi. Portugaliyalik hujumchining gol urishiga Bezerra ko‘maklashgan bo‘lsa, Jamshid uzoq masofadan darvozani aniq nishonga oldi.
"Paxtakor" - "Mash’al" - 2:0
"Paxtakor": Suyunov, Sayfiyev, Simich, A’zamov, Shorahmedov, Griffits, Rahmatullayev, Masharipov, Iskanderov, Bezerra, Gonsalvesh.
Gollar: Gonsalvesh 22, Iskanderov 67.
Ikkinchi o‘yinda jamoalar boshqa tarkibda harakat qilishdi. Uning birinchi bo‘limida darvozalarga gol urilmadi. Tanaffusdan so‘ng "Paxtakor" raqib darvozasiga uch to‘p kiritdi. Kamoliddin Tojiyev, Jasur Hakimov va Bahrom Abdurahimov gol mualliflariga aylanishdi. Shunday qilib, ikkinchi bahsda ham jamoamiz raqib ustidan yutuqqa erishdi.
"Paxtakor" - "Mash’al" - 3:0
"Paxtakor": Lobanov, Andreev, Kozak, Tojiyev, Alijonov, Ahmedov, Ahmadov, Abdurahimov, Sindarov, Yaxshiboyev, Hakimov.
Gollar: Tojiyev 51, Hakimov 61, Abdurahimov 67.
