“Tottenxem” klubi bosh murabbiyi Maurisio Pochettino “Yuventus”ga qarshi o‘yin (2:2) dan so‘ng o‘z fikr va mulohazalarini aytib o‘tdi.

“Fantastik o‘yin! Ilk 9 daqiqa qanday o‘ynadik tushunmayman. Nimaga gol o‘tkazib yubordik, bilmayman. Lekin ishonib bo‘lmas darajada xarakter ko‘rsata oldik.

Turinda 0:2 hisobini yo‘qqa chiqargan futbolchilarimga rahmat aytaman. Turinda bu natijani ko‘rsatish juda ham qiyin. O‘ylaymanki, durangdan ko‘ra ko‘proq g‘alabaga mos o‘ynagandik.

Biroz ulg‘ayganimizni sezdim, jamoa so‘nggi hafta mavsumdagi eng yaxshi o‘yinlarini o‘tkazdi. “Tottenxem” bugun shunchaki o‘yinga ma’suliyat bilan yondosha oldi. Futbolda omad tushunchasi biroz bo‘lsada kerakli jihat. “Yuventus” – katat jamoa ekanligini yaxshi bilamiz va “Uembli”da g‘alaba qozonishga astoydil harakatni boshlaymiz,”, – dedi Pochettino.