Madridning “Real” klubi himoyachisi Marselo YECHL 1/8 finali doirasida PSJga qarshi bahs oldidan o‘z fikrlari bilan o‘rtoqlashdi.
“Zidan – misli yo‘q murabbiy. U kelishi bilan bizga katta yordam berdi va hozir ham yordamlashishda davom etmoqda.
Hozir vaziyat o‘zimiz xohlagandek emas, ammo u natija uchun xuddi biz kabi jon berib kurashmoqda. Biz o‘z formamizni iloji boricha tezroq tiklab olishni xohlaymiz.
PSJ – bu faqat Neymar degani emas, bunday o‘ylash xato bo‘ladi. O‘yinga tayyorgarlik ko‘rish uchun bizda yetarli vaqt bo‘ldi. Biz faqat Neymar, Kavani va Mbappeni emas, butun jamoani tahlil qilib chiqdik.
Biz bosimga o‘rganib qolganmiz, men bu yerda 11 yildan beri o‘ynayman, shunday ekan bu odatiy holat. Biz hotirjam o‘z ishimiz bilan shug‘ullanishimiz kerak, bosim bizni chalg‘ita olmaydi”, – deydi Marselo.
