“Manchester Yunayted” hujumchisi Aleksis Sanches futbolchilarning futboldan tashqaridagi hayotlariga munosabat bildirarkan, sobiq jamoadoshi Leonel Messini misol qilib o‘tdi.

“2012 yilda Chempionlar ligasining yarim finalidagi “Chelsi” — “Barselona” matchidan so‘ng Messining kiyinish xonasida yig‘laganini hech unutolmayman. Bunday o‘yinchilar yig‘lamaydi, deb o‘ylardim. Odatda,liderlar o‘zlariga talabchan bo‘lishadi. O‘shanda Messi penaltini urolmagandi. Futbol shunaqa narsa, kimlarni xalos etsa, yana kimlardan tortib oladi. Ammo muxlislar futbolchilarning maydondan tashqaridagi mehnatlarini ko‘rishmaydi, boshidan nima o‘ylar o‘tganini bilishmaydi. Agar bilsangiz, bunday pallalarda onangizning yoki oila a’zolaringizning tug‘ilgan kuniga ham borolmaysiz. Ko‘zlariga qarash kerak, axir.

Ko‘pchilik bizlarni takabbur hisoblaydi. Qimmat mashina olsak, muhokama qilishadi. Vaqt o‘tgani sari tajribam soyasida juda ko‘p narsalarni o‘rgandim. Hammaga birdek yoqib bo‘lmas ekan. Doim bitta yo ikkita norozi odam topiladi. Men futbolni sevaman va hamisha baxtli yurishga odatlanaman”, dedi Sanches.