Angliyada xotinining hisob raqamidan 5 mln funt o‘g‘irlagan erkak 5 yilga qamaldi. Ma’lumotlarga ko‘ra, erkak pul yig‘ib, “Portsmut” klubini sotib olmoqchi bo‘lgan.
Ayol 2009 yilda bankda depozit hisob raqam ochgandi. Keyinchalik esa u hech qanday foiz olmayotganidan shubhalana boshladi. Keyinchalik aniqlanishicha, ayolning 39 yoshli turmush o‘rtog‘i pullarni o‘z hisob raqamiga o‘tkazib olgan va bu pullarga “Portsmut”ni sotib olmoqchi bo‘lgan.
Ayni damda “Portsmut” Angliya chempionatining uchinchi divizionida ishtirok etmoqda va jiddiy moliyaviy muammolar qurshovida qolgan.
