Англияда хотинининг ҳисоб рақамидан 5 млн фунт ўғирлаган эркак 5 йилга қамалди. Маълумотларга кўра, эркак пул йиғиб, “Портсмут” клубини сотиб олмоқчи бўлган.
Аёл 2009 йилда банкда депозит ҳисоб рақам очганди. Кейинчалик эса у ҳеч қандай фоиз олмаётганидан шубҳалана бошлади. Кейинчалик аниқланишича, аёлнинг 39 ёшли турмуш ўртоғи пулларни ўз ҳисоб рақамига ўтказиб олган ва бу пулларга “Портсмут”ни сотиб олмоқчи бўлган.
Айни дамда “Портсмут” Англия чемпионатининг учинчи дивизионида иштирок этмоқда ва жиддий молиявий муаммолар қуршовида қолган.
