Poytaxtimizdagi “Yoshlik” sport majmuasida futzal bo‘yicha ayollar jamoalari o‘rtasidagi mamlakat XIV milliy chempionatiga start berildi. Futzal musobaqalarida birinchi bor qatnashayotgan Bekobodning “Metallurg” jamoasi mavsumni yirik g‘alaba bilan boshladi.
Qizlarimizning birinchi turdagi taqibalari Olmaliq shahrining OTMK jamoasi bo‘ldi. Uchrashuv bekobodliklarning to‘liq ustunligi ostida o‘tdi. Birinchi taymda raqibalari darvozasiga 8 ta gol kiritgan qizlarimiz, ikkinchi taymda sur’atni bo‘shashtirmadi va o‘yinni 18:0 hisobida o‘z foydalariga hal etishdi.
Bu yilgi mavsumda beshta jamoa g‘oliblik uchun kurashayapti. Yuqorida nomlarini tilga olgan jamoalardan tashqari, bular – “Sevinch” (Qarshi), “Lokomotiv” (Toshkent) hamda “Paxtakor” (Toshkent) jamoalaridir. Tashkilotchilar qatnashchilar soni bundan ko‘proq bo‘lishini rejalashtirishgandi. Ammo, so‘nggi lahzalarda “Buxoro” va “Sho‘rtan” jamoalarining chempionatga kela olmasligi oydinlashdi.
“Metallurg” – OTMK – 18:0 (8:0). 15.02.2018 yil.
Hakamlar: Anna Sidorova, Zilola Rahmatova, Husnora Jumayeva, Marjona Rahmatqulova.
Nazoratchi hakam: Iyub Isayev.
Gollar: Mahliyo Sarikova (2, 26, 27), Feruza Turdiboyeva (3), Yulduz Nabiyeva (6, 35), Iroda Turdaliyeva (7), Xolida Dadaboyeva (8, 9), Yelena Logutkina (13), Kamola Risqiyeva (17, 28), Nozima Kamoltoyeva (23, 25, 36, 37), Mavluda Munavvarova (29), Dildora Nozimova (39).
“Metallurg”: Dilafro‘z Xo‘jayeva, Zumrat Nazarova, Kamola Risqiyeva, Mahliyo Sarikova, Feruza Turdiboyeva.
Zahira: Gulandom Boymatova, Dildora Nozimova, Mavluda Munavvarova, Iroda Turdaliyeva, Diyora Habibullayeva, Yulduz Nabiyeva, Xolida Dadaboyeva, Nozima Kamoltoyeva, Yelena Logutkina.
OTMK: Nilufar Qurbonaliyeva, Gulchiroy Ibrohimova, Ziyoda Abdurahmonova, Zarina Sodiqova, Nozima Sheraliyeva.
Zahira: Mahliyo Zaidboyeva, Fotima Tursunaliyeva, Zuhra Tursunaliyeva, Gavhar Ashuraliyeva, Madina Abdurasulova, Sevinch Qo‘chqorova, Rayhona Abdurahmonova, Laylo Rustillayeva, Komila Zokirova.
