“So‘g‘diyona” jamoasi Toshketda mashg‘ulotlarni davom ettirmoqda. Bugun jamoa navbatdagi nazorat uchrashuvini o‘tkazdi.

Qibraydagi o‘yingohda  “So‘g‘diyona” “Metallurg”ga qarshi bahs olib bordi. Birinchi bo‘limda teng kurash kechdi. 24-daqiqada Zohid Abdullayev yaratilgan imkoniyatdan foydalanib jizzaxliklar darvozasini ishg‘ol qilishga muvaffaq bo‘ldi. Birinchi bo‘lim 1:0  “Metallurg” g‘alabasi bilan yakunlandi.

Ikkinchi bo‘limda Aleksandr Mochinov o‘yinni kuchaytirish maqsadida tarkibda bir nechta o‘zgarishlarni amalga oshirdi. Natijada “So‘g‘diyona” xujumlari yanada ko‘paydi. Uchrashuvning 56- daqiqasi o‘tib borayotgan pallada “Metallurg” futbolchilari o‘z jarima maydonchalari ichida Shoxruz Norxonovga nisbatan o‘yin qoidasini buzishdi. Natijada hakam penalti belgiladi. Undan tajribali futbolchi Dilmurod Karimov unumli  foydalandi va hisobni tenglashtirishga muvaffaq bo‘ldi. Shundan so‘ng,ikkala jamoada ham gol kiritish uchun bir nechta qulay imkoniyatlar yuzaga keldi. Ammo hisob o‘zgarmadi.

Shu o‘rinda yana bir ma’lumot,bugungi o‘yinda 4 nafar  yangi futbolchi sinovdan o‘tkazildi. Ular: Ruslan Melziddinov ( “Sho‘rtan”) ,Iqbol Malikjonov ( “Qo‘qon-1912”) , Alisher Ziyovuddinov  (“Metallurg”), Akrom Baxriddinov ( “Mash’al”).

“Metallurg”-“So‘g‘diyona” 1:1

Gollar: Zohid Abdullayev 24,Dilmurod Karimov 56 (penalti)

“So‘g‘diyona”: Dilshod Xamroyev, Akmal Xolmurodov, Shoxrux Xolmatov, Farxod Miraxmatov , Elyor Orifov(s) ,Jahongir Abdumo‘minov ,Doniyor Hasanov, Azamat Isroilov, Umid Qodirov, Sardor Azimov, Andrey Sidorov.

Zaxirada: Shirinboy Abdullayev ,Ruslan Melziddinov, Sardor Qulmatov ,Iqbol Malikjonov ,Dilmurod Karimov, Doniyor Odilov, Alisher Ziyovuddinov ,Akrom Baxriddinov, Izzatilla Abdullayev, Shoxruz Norxonov, Farxod Yusupov.

“So‘g‘diyona” matbuot xizmati