Angliya kubogining nimchorak final bosqichida kutilmagan natija qayd etildi. Mavsumni yuqori saviyada o‘tkazayotgan "Manchester Siti" uchinchi divizion klubiga yutqazib qo‘ydi.

"Uigan"ga qarshi o‘yinda "shaharliklar" to‘la ustunlikka ega bo‘lishdi, to‘pni nazorat qilishdi, ammo raqib darvozasini ishg‘ol etish ularga nasib etmadi. Birinchi bo‘limga qo‘shib berilgan daqiqalarda hakam "Siti" himoyachisi Delfni maydondan chetlatdi.

Bir kishi kam bo‘lib qolganiga qaramay, Gvardiola shogirdlari ikkinchi taymda ham tashabbusni o‘z qo‘llarida ushlab turishdi. "Uigan" esa butun jamoa bo‘lib ishonchli himoyalanishda davom etdi. Mezbonlar ikkinchi bo‘limda atigi bir marta hujumga o‘tishdi va uni gol bilan yakunlashdi.

"Manchester Siti" qolgan vaqt davomida mag‘lubiyatdan qutulib qola olmadi.

Angliya kubogi, nimchorak final
Uigan – Manchester Siti 1:0 (0:0, 1:0)
Gol: 1:0 – 79 Grigg.
Uigan – Uolton, Bern, Dankli, Elder, Perkins, Birn, Pauell (Fulton, 27), Pauer, Roberts (Jeykobs, 55), Grigg, Messi (Kolklaf, 77).
Manchester Siti – Bravo, Laport, Stounz, Danilo, Delf, Silva (de Bryuyne, 65), Fernandinyo, Bernardu Silva, Gyundogan, Sane (Uoker, 46), Aguero.
Ogohlantirishlar: Messi (59), Fulton (69), Elder (71), Uolton (84), Pauer (90).
Chetlatish: Delf (45).