Англия кубогининг нимчорак финал босқичида кутилмаган натижа қайд этилди. Мавсумни юқори савияда ўтказаётган "Манчестер Сити" учинчи дивизион клубига ютқазиб қўйди.

"Уиган"га қарши ўйинда "шаҳарликлар" тўла устунликка эга бўлишди, тўпни назорат қилишди, аммо рақиб дарвозасини ишғол этиш уларга насиб этмади. Биринчи бўлимга қўшиб берилган дақиқаларда ҳакам "Сити" ҳимоячиси Делфни майдондан четлатди.

Бир киши кам бўлиб қолганига қарамай, Гвардиола шогирдлари иккинчи таймда ҳам ташаббусни ўз қўлларида ушлаб туришди. "Уиган" эса бутун жамоа бўлиб ишончли ҳимояланишда давом этди. Мезбонлар иккинчи бўлимда атиги бир марта ҳужумга ўтишди ва уни гол билан якунлашди.

"Манчестер Сити" қолган вақт давомида мағлубиятдан қутулиб қола олмади.

Англия кубоги, нимчорак финал
Уиган – Манчестер Сити 1:0 (0:0, 1:0)
Гол: 1:0 – 79 Григг.
Уиган – Уолтон, Берн, Данкли, Элдер, Перкинс, Бирн, Пауэлл (Фултон, 27), Пауэр, Робертс (Жейкобс, 55), Григг, Мэсси (Колклаф, 77).
Манчестер Сити – Браво, Лапорт, Стоунз, Данило, Делф, Сильва (де Брюйне, 65), Фернандиньо, Бернарду Силва, Гюндоган, Сане (Уокер, 46), Агуэро.
Огоҳлантиришлар: Мэсси (59), Фултон (69), Элдер (71), Уолтон (84), Пауэр (90).
Четлатиш: Делф (45).