Ispaniyaning Marca nashri jurnalistlari CHL 1|8 final bosqichidan o‘rin olgan «Chelsi» - «Barselona» o‘yini oldidan London klubining belgiyalik yarim himoyachisi Eden Azarni maxsus suhbatga chorlab, uning bo‘lajak to‘qnashuv haqidagi fikrlari bilan qiziqishdi.
Eslatma, ushbu juftlikning dastlabki uchrashuvi 20 fevral (bugun) oqshomi Londonda bo‘lib o‘tadi.
- O‘yinning o‘ta qiziqarli tus olishiga shubha yo‘q, - dedi Azar suhbatga kirishishi hamono. - To‘g‘ri, ayni payt jamoamiz avvalgidek vajohatli ko‘rinmayapti.
Boz ustiga, «Barselona» joriy mavsum fantastik o‘yin namoyish etmoqda. Lekin futbolda har qanday voqea ro‘y berishi mumkin. Qolaversa, nufuzli turnirdagi muvaffaqiyat evaziga muxlislar oldida aybimizni birozgina yuvishimiz mumkin.
Shunday ekan, keyingi raundga chiqish yo‘lida bor imkoniyatlarimizni ishga solamiz. Agar hamjihatlik bilan to‘p sursak, maqsadga erishamiz, albatta.
- Darvoqe, Tom Xenning Evrebe kimligini bilasizmi?
- Yo‘q.
- Norvegiyalik ushbu hakam 2009 yili «Chelsi» - «Barselona» uchrashuvini boshqargan va o‘ta jiddiy xatolarga yo‘l qo‘ygandi.
- Bo‘ldi, yodimga tushdi. Ha, o‘sha o‘yin esimda. Ayniqsa, Didye Drogbaning kuyib-pishgani hamon ko‘z o‘ngimda. Futbolning o‘zi shunaqa... Lekin yana tushunarsiz hakamlik yuz berishi mumkinligi bizni aslo cho‘chitmasligi kerak.
Albatta, referi «Chelsi»ning zarariga qaror qabul qilishini aslo istamayman. Biroq har qanday holatda ham, hakamlar ishini muhokama qilmayman. Asosiy e’tiborim o‘yinning o‘ziga qaratiladi. Umidvormanki, bu safar «Barselona» to‘sig‘idan o‘tib, o‘sha o‘yinga javob beramiz.
- Ayrimlarning xulosalariga ko‘ra, Neymar ketganidan so‘ng «Barsa» sezilarli darajada zaiflashgan. Bu masalada qanday fikrdasiz?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
