OCHL-2018 “S” guruhi 2-tur doirasidan o‘rin olgan “Nasaf” – “Al Vasl” jamoalari o‘rtasidagi uchrashuv nihoyasiga yetgach, o‘yin yakunlariga bag‘ishlangan matbuot anjumani bo‘lib o‘tdi. Matbuot anjumanining dastlabki qismida “Al Vasl” klubi bosh murabbiyi Rodolfa Arrauabarrena ishtirok eti.
Rodolfa Arrauabarrena: - Avvalom bor "Nasaf" jamoasini haqli va ishonchli g‘alaba bilan tabriklayman. Raqibimiz o‘yin davomida katta ustunlik bilan harakat qildi. Tarkibimizdagi yo‘qotishlar ham mag‘lubiyatimizga sabab bo‘ldi. Ayniqsa birinchi bo‘limda hujumchimiz Koyoni majburan almashtirganimizdan so‘ng o‘yinimizni susaytiirib yubordik. Bu holat o‘yinga tuzgan rejamizni ham o‘zgartirib yubordi.
Rejalarimiz haqida? Bizni ichki chempionatimizda ham muhim va og‘ir o‘yinlar kutib turibdi. Yetakchilardan ortda qolayapmiz. Bu bizni ancha o‘ylantirib qo‘ygan. Ularga yetib olishimiz uchun katta kuch sarflashga majburmiz.
Guruhdagi imkoniyatimizga “Al Sadd” – “Persepolis” uchrashuvidan keyin baho berishim mumkin. Hozir bir narsa deyishga ojizman.
“Nasaf”ning bugungi uchrashuvda bironta o‘yinchisini emas, balki butun jamoani yaxshi deb ko‘rsatgan bo‘lar edim. Raqibimiz juda tajovuzkor va chiroyli o‘yin namoyish etdi.
