“Nasaf” – “Al Vasl” uchrashuvning eng yaxshi o‘yinchisi deya, e’tirof etilgan yarim himoyachi Azizjon G‘aniyev o‘yindan so‘ng o‘tkazilgan matbuot anjumanida ishtirok etib, o‘z fiklarini bildirdi
Aziz G‘aniyev: - Raqibni yaxshi o‘rgangandik va murabbiylarimiz ularni bo‘sh nuqtalarini bizga uqtirishgandi. Umuman o‘yinda katta tashabbus bilan o‘ynadik va haqli g‘alaba qozondik. Stadionga kelgan muxlislarga ajoyib qo‘llab-quvvatlashganlari uchun rahmat aytaman.
Raqib ko‘p asabiylashdi? O‘yini chiqmagach har qanday jamoa asablarini jilovlay olmaydi. Biz bugun ularga o‘yin bermadik. Bu ham raqib o‘yinchilarini asabiylashtirgan bo‘lishi mumkin.
Biz har qanday raqib bilan kurashishga tayyormiz. U jamoada qanday o‘yinchi o‘ynashidan qat’iy nazar, maydonda har doimgi ishimizni qilishimiz lozim. Mehnat qilishda va o‘z ustimda ishlashda davom etaveraman. To‘xtash yo‘q. Maydondagi o‘rnimni yo‘qotmaslikka harakat qilaveraman”, - dedi G‘aniyev.