"Barselona" bosh murabbiyi Ernesto Valverde YECHL 1/8 finalining birinchi uchrashuvida "Chelsi" bilan durang (1:1) haqida gapirdi.
"O‘yin natijasini ijobiy deb baholayman. Bu ikkita uslubning, ikkita turli jamoaning to‘qnashuvi bo‘ldi. Biz o‘yinni nazorat qildik, to‘pni ko‘proq tutib turdik, uni jarima maydoniga ko‘proq uzatdik. Raqib qarshi hujumlarga tayandi va yaxshi himoyalandi, hujumchilarimiz doim ta’qib osttida bo‘ldilar.
Raqib hisobni ochgunga qadar vaziyatni nazorat qilayotgan edik. Ammo xavfli vaziyatlarimiz uncha ko‘p bo‘lmadi. Biroq baribir raqibni xato qilishga majbur qildik va hisobni tenglashtirdik. O‘yin kuchli bosim ostida o‘tdi va uning natiasini qabul qilish kerak.
Javob uchrashuvida jamoalar bir biriga hurmat bilan qarashi kerak. "Chelsi"ning hujumi yetarli darajada xavfli, bizga muammo tug‘dirishi mumkin", - deydi Valverde.
