"Барселона" бош мураббийи Эрнесто Вальверде ЕЧЛ 1/8 финалининг биринчи учрашувида "Челси" билан дуранг (1:1) ҳақида гапирди.
"Ўйин натижасини ижобий деб баҳолайман. Бу иккита услубнинг, иккита турли жамоанинг тўқнашуви бўлди. Биз ўйинни назорат қилдик, тўпни кўпроқ тутиб турдик, уни жарима майдонига кўпроқ узатдик. Рақиб қарши ҳужумларга таянди ва яхши ҳимояланди, ҳужумчиларимиз доим таъқиб осттида бўлдилар.
Рақиб ҳисобни очгунга қадар вазиятни назорат қилаётган эдик. Аммо хавфли вазиятларимиз унча кўп бўлмади. Бироқ барибир рақибни хато қилишга мажбур қилдик ва ҳисобни тенглаштирдик. Ўйин кучли босим остида ўтди ва унинг натиасини қабул қилиш керак.
Жавоб учрашувида жамоалар бир бирига ҳурмат билан қараши керак. "Челси"нинг ҳужуми етарли даражада хавфли, бизга муаммо туғдириши мумкин", - дейди Вальверде.
