«Bavariya» ustozi Yupp Xaynkes chempionalar ligasi doirasidagi «Beshiktosh»ga qarshi o‘yindan so‘ng o‘z fikrlarini bildirib o‘tdi.
«O‘yin boshini asabiy tarzda o‘tkazdik. Hattoki, paslar bilan oddiy kombinasiyani ham amalga oshira olmadik.
Taym yakunlanishi arafasidagi gol va oldinroq ko‘rsatilgan qizil kartochka hal qiluvchi ahamiyat kasb etdi.
«Beshiktosh» esa ko‘proq harakat qilishi kerak edi. Chunki ular bir kishi kam bo‘lib qolishdi.
Ikkinchi taymda esa biz ancha moslashib, tezkor o‘yin ko‘rsata boshladik va bu o‘yin taqdirini hal qildi» – deydi Xaynkes.
