Pro-Liga bahslariga Toshkentda tayyorgarlik ko‘rayotgan «Dinamo» jamoasi tarkibi kuchaytirilishi rejalashtirilgan.

Jamoa safida tajribali yarimhimoyachilar Dilshod Sharofutdinov va Ilhom Yunusovlar kelib qo‘shilgani haqida ma’lumot bergandik. Bugun esa Samarqand jamoasi tarkibiga yangi futbolchi Maradona Safarov kelib qo‘shildi.

«Mash’al» klubi tarbiyalanuvchisi sanalmish Maradona Safarov o‘tgan mavsumning birinchi davrasini «Mash’al», ikkinchi davrani esa «Sho‘rtan» klubi safida o‘tkazgan edi. 24 yoshli hujumkor yarimhimoyachi hozircha jamoa ko‘rigida bo‘lib turibdi.