“Real”ning La liga 16 turida o‘tkazilishi kerak bo‘lgan, ammo turnir jadvalidagi o‘zgartirilishlar tufayli qoldirib kelinayotgan “Leganes” bilan o‘yini madridliklar g‘alabasi bilan yakunlanganidan xabaringiz bor. Aynan ushbu o‘yinda sariq kartochka bilan ogohlantirilgan Serxio Ramos yangi rekordga “imzo chekdi”.
Gap shundaki, maydonda o‘zboshimchaligi va qo‘pol o‘yini bilan dong taratgan Ramos bugungacha 163 marta ogohlantirilgan bo‘lsa, 19 marta maydondan haydalgan. Har ikkala natija ham Ispaniya La ligasida o‘ziga xos ko‘rsatkich bo‘lib chiqdi.
Sal vaqt muqaddam 31 yoshli jamoa sardori 54 gol urgan ximoyachi sifatida ijobiy rekord qayd etgan va 53 ta gol urgan Fernando Yerroni ortda qoldirib, 2-pog‘onaga ko‘tarilgandi. Eng ko‘p gol urgan ximoyachi tituli esa xozircha Ronald Kumanga tegishli.
