“Chelsi” klubi himoyachisi Sesar Aspilikueta “Barselona”ga qarshi javob uchrashuvi oldidan nima kutayotganini aytib o‘tdi.
“Mehmonda urilgan gol “Barselona”ga katta ishonch bag‘ishlaydi, chunki 0:0 hisobi ham ularni keyingi bosqichga chiqishlari uchun yetarli bo‘ladi.
Lekin oldimizda hali vaqt bor va bizni qiziqarli o‘yin kutib turibdi. “Chelsi”ga qiyin bo‘lishini bilamiz, lekin birinchi o‘yindagi harakatlarimiz jamoaning nimalarga qodir ekanligini ko‘rsatib berdi. Keyingi bosqichga chiqish uchun barcha imkoniyatlarimizni ishga solamiz.
Ispaniyada ideal o‘yin o‘tkazishga majburmiz. Bizga qarshi juda ham kuchli futbolchilar qarshilik ko‘rsatishadi. Biroq, “Chelsi” o‘z kuchiga ishonib, keyingi bosqichga chiqish uchun harakat qiladi”, – dedi Aspilikueta.
