“Челси” клуби ҳимоячиси Сесар Аспиликуэта “Барселона”га қарши жавоб учрашуви олдидан нима кутаётганини айтиб ўтди.

“Меҳмонда урилган гол “Барселона”га катта ишонч бағишлайди, чунки 0:0 ҳисоби ҳам уларни кейинги босқичга чиқишлари учун етарли бўлади.

Лекин олдимизда ҳали вақт бор ва бизни қизиқарли ўйин кутиб турибди. “Челси”га қийин бўлишини биламиз, лекин биринчи ўйиндаги ҳаракатларимиз жамоанинг нималарга қодир эканлигини кўрсатиб берди. Кейинги босқичга чиқиш учун барча имкониятларимизни ишга соламиз.

Испанияда идеал ўйин ўтказишга мажбурмиз. Бизга қарши жуда ҳам кучли футболчилар қаршилик кўрсатишади. Бироқ, “Челси” ўз кучига ишониб, кейинги босқичга чиқиш учун ҳаракат қилади”, – деди Аспиликуэта.