“Milan” klubi sport direktori Massimiliano Mirabelli Yevropa Ligasi nimchorak finalidan o‘rin olgan “Arsenal”ga qarshi uchrashuv oldidan fikrlarini bildirib o‘tdi.
“Albatta, bu quvonarli yangilik. Chunki biz Yevropaning eng yaxshi jamoalaridan biriga qarshilik ko‘rsatamiz. O‘ylaymanki, shunday ham bo‘lishi kerak edi. Kuchli jamoaga qarshi o‘ynash boshqacha bo‘ladi.
Qo‘rqyapmizmi? Yo‘q, musobaqaning eng oxirgi nuktalariga borishni istaymiz. “Arsenal”ni hurmat qilamiz, lekin hech kimdan qo‘rqmaymiz.
Ishonamanki, o‘yin kuni “San-Siro” stadionida muxlislar to‘lib toshadi. Londondagi o‘yinda ham muxlislarimiz bizga yordam beradi”, – dedi direktor.
Eslatib o‘tamiz, milanliklar Jennaro Gattuzo qo‘l ostida so‘nggi 11 o‘yinda hali mag‘lubiyat alamini totib ko‘rishganlaricha yo‘q.
