“Bavariya” klubi bosh murabbiyi Yupp Xaynkes “Gerta”ga qarshi durang (0:0) dan so‘ng o‘z fikrlarini bildirish davomida, futbolchilarni natija uchun ayblay olmasligini ta’kidlab o‘tdi.
“Durang natijaga qaramasdan, jamoa bugungi o‘yinga yaxshi tomondan yondoshdi. Gol urish uchun vaziyatlar bo‘ldi, ammo nima ham derdim, g‘alaba qozona olmadik.
Chunki “Gerta” juda yaxshi himoyalandi. Bunday natija bilan o‘rnimizni yo‘qotib qo‘ymadik, futbolchilarni esa ayblay olmayman. Gol urmaganimiz albatta, g‘alati voqea, lekin futbolda shunday kunlar ham bo‘ladi”, – dedi Xaynkes.
Eslatib o‘tamiz, “Gerta”ga qarshi o‘yin Myunxen jamoasining 14 o‘yinlik g‘alabali seriyasiga barham berdi. Agar “Bavariya” bugun g‘alaba qozona olganida o‘zining shaxsiy rekordini yangilagan bo‘lardi.
