Ispaniya chempionati 25-turining bugunga belgilangan so‘nggi bahsida «Barselona» o‘z maydonida «Jirona»ni qabul qildi va yirik hisobda g‘alabaga erishdi.
Avvaliga, 3-daqiqada kataloniyaliklar mudofaa chizig‘ining xatosi tufayli mehmonlar hisobni ochishdi. Kristian Portu Ter Shtegenni birga-bir vaziyatga chiqib jamoasini hisobda oldinga olib chiqdi.
Ammo “Barselona” mazkur goldan so‘ng o‘zini yo‘qotib qo‘ymadi. Aksincha, tezda hisobni tenglashtira oldi. Lionel Messining super-uzatmasidan so‘ng Luis Suares muvozanatni tikladi. Shundan so‘ng mezbonlar birin ketin gollar urishni boshlashdi.
30 va 37-daqiqalarda Lionel Messi chiroyli gollari evaziga jamoasini hisobda oldinga olib chiqdi.
Taym so‘ngida Koutinyoning uzatmasidan keyin Luis Suares uchrashuvdagi ikkinchi golini kiritdi va birinchi 45 daqiqalik 4:1 hisobida yakuniga yetdi.
Ikkinchi bo‘lim ham kutilganidek, maydon egalarining xavfli hujumlari bilan start oldi. 66-daqiqada Filippe Koutinyo La-ligadagi debyut golini kiritishga muvaffaq bo‘ldi. Braziliyalik futbolchi olis masofadan to‘pni darvozaga joylab qo‘ydi.
76-daqiqaga kelib, Dembelening Suaresga oshirgan uzatmasidan so‘ng yakuniy hisob o‘rnatildi – 6:1. Urugvaylik futbolchi o‘yinni xett-rik bilan yakunladi.
Ispaniya chempionati. 25-tur.
Barselona – Jirona 6:1 (4:1)
Gollar: 0:1 – 3 Portu, 1:1 – 5 Suares, 2:1 – 30 Messi, 3:1 – 36 Messi, 4:1 – 44 Suares, 5:1 – 66 Koutinyo, 6:1 – 76 Suares.
Barselona: ter Stegen, Pike (Vermalen, 64), Alba, Nelson Semedu, Umtiti, Buskets (Paulinyo, 69), Rakitich (Serxi Roberto, 77), Koutinyo, Dembele, Messi, Suares.
Jirona: Bunu, Ramalyo, Espinosa, Xuanpe, Aday (Planas, 46), Portu (Duglas Luis, 70), Pons, Garsiya (Aleysh Garsiya, 63), Granel, Maffeo, Losano.
Ogohlantirishlar: Xuanpe (62), Alba (87).
