O‘zbekiston taekvondo assosiasiyasiga qarashli "Universal" sport majmuasiga muxlislar tashrifi davom etmoqda.
Avval xabar qilinganidek, Milliy olimpiya qo‘mitasi tashabbusi bilan ushbu bellashuvni poytaxtimizdagi qariyalar uyi, jismoniy imkoniyati cheklangan bolalar maktab internati hamda mehribonlik uyidan tashrif buyurgan mehmonlar ham bevosita arenadan kuzatib borishadi.
Bundan bir necha daqiqa oldin tashkilotchilar mehmonlarni kutib olishdi va o‘zlari uchun belgilangan joylarga taklif etishdi. Janglar boshlanishiga oz fursat qolmoqda. O‘zbek boksi yulduzlaring ishtirokidagi janglarni birgalikda kuzatib boramiz va vakillarimizga omad tilaymiz.
