Ўзбекистон таэквондо ассоциациясига қарашли "Универсал" спорт мажмуасига мухлислар ташрифи давом этмоқда.

Аввал хабар қилинганидек, Миллий олимпия қўмитаси ташаббуси билан ушбу беллашувни пойтахтимиздаги қариялар уйи, жисмоний имконияти чекланган болалар мактаб интернати ҳамда меҳрибонлик уйидан ташриф буюрган меҳмонлар ҳам бевосита аренадан кузатиб боришади.

Бундан бир неча дақиқа олдин ташкилотчилар меҳмонларни кутиб олишди ва ўзлари учун белгиланган жойларга таклиф этишди. Жанглар бошланишига оз фурсат қолмоқда. Ўзбек бокси юлдузларинг иштирокидаги жангларни биргаликда кузатиб борамиз ва вакилларимизга омад тилаймиз.