Qirg‘iziston poytaxti Bishkek shahrida sport kurashlari bo‘yicha Osiyo chempionati davom etmoqda.
Kecha hamyurtimiz Yelmurat Tasmuradov -63kg vazn toifasida barcha raqiblarini mag‘lubiyatga uchratib, Osiyo chempionligini qo‘lga kiritgani haqida xabar qilgandik.
Undan tashqari -130kg vazn toifasida gilamga chiqqan polvonimiz Mo‘minjon Abdullayev ham finalgacha yetib bordi. Afsuski, hal qiluvchi jangda Abdullayevga biroz omad yetishmadi va u eronlik Aliakbar Mehdizodaga imkoniyatni boy berib qo‘ydi. Shu tariqa, sportchimiz Osiyo chempionatining kumush medali sohibiga aylandi.
Ma’lumot uchun, Abdullayev bungacha ikki marotaba Osiyo chempionatida bronza medalini qo‘lga kiritgan.
