Қирғизистон пойтахти Бишкек шаҳрида спорт курашлари бўйича Осиё чемпионати давом этмоқда.
Кеча ҳамюртимиз Елмурат Тасмурадов -63кг вазн тоифасида барча рақибларини мағлубиятга учратиб, Осиё чемпионлигини қўлга киритгани ҳақида хабар қилгандик.
Ундан ташқари -130кг вазн тоифасида гиламга чиққан полвонимиз Мўминжон Абдуллаев ҳам финалгача етиб борди. Афсуски, ҳал қилувчи жангда Абдуллаевга бироз омад етишмади ва у эронлик Алиакбар Меҳдизодага имкониятни бой бериб қўйди. Шу тариқа, спортчимиз Осиё чемпионатининг кумуш медали соҳибига айланди.
Маълумот учун, Абдуллаев бунгача икки маротаба Осиё чемпионатида бронза медалини қўлга киритган.
