Bugun "Uzbek Tigers" jamoasi Butunjahon boks seriyasi doirasida o‘zining uchinchi jangini o‘tkazmoqda.
Sakkizinchi mavsumning uchinchi turidan o‘rin olgan bellashuvda jamoamizga Kolumbiyaning "Colombia Heroicos" jamoasi raqiblik qilmoqda.
Bundan oldingi ikkita jangda vakillarimiz ijrosida ajoyib nokautlarni ko‘rgandik. Uchinchi to‘rtinchi jangda esa 81 kg vazn toifasida ringga chiqqan Bektemir Meliqo‘ziyev raqibi Diyego Motoani 3:0 hisobida taslim etdi. Ta’kidlash kerakki, hamyurtimiz jangda to‘liq ustunlik qildi. Biz g‘alabani naqd qildik, ammo, baribir, Bahodir Jalolovdan ham g‘alaba kutamiz. Ayni damda hisob — 3:1.
Bugun quyidagi janglar guvohiga aylanamiz:
-52 kg: Xudoynazar Fayzov —Keybar Avila — 0:2
-60 kg: Shunqor Abdurasulov — Duvan Zuleta — (Abdurasulov raqibini nokautga uchratdi)
-69 kg: Mahmud G‘oipov —Aleksandr Ranxel — (G‘oipov raqibini nokautga uchratdi)
-81 kg: Bektemir Meliqo‘ziyev —Diyego Motoa — 3:0
+91 kg: Bahodir Jalolov —Kristian Salkedo
