Ispaniya chempionatining 26-turi doirasida "Barselona" safarda "Las-Palmas"ga qarshi bahs olib bordi. Kutilmaganda, Valverde shogirdlari mazkur o‘yinda g‘alaba qozona olishmadi.

O‘yin kataloniyaliklarning ssenariysi asosida boshlandi. Mehmonlarning ketma-ket hujumlari 21-daqiqada o‘z samarasini berdi. Jarima maydonchasi tashqarisidan belgilangan jarima zarbasi Lionel Messi golga aylantirib, hisobni ochdi.

Shundan so‘ng "ko‘k-anorranglilar" biroz bo‘shashishdi va buning uchun "Las-Palmas" raqibni jazoladi. Burchak to‘pi o‘yinga kiritilgan paytda Agirregaray "Barsa" jarima maydonchasi ichida yiqildi. Hakam esa bahsli penalti belgiladi. 11 metrli jarima zarbasidan Kalyeri unumli foydalandi.

Shundan so‘ng "Barselona" g‘alabani o‘z tomoniga og‘dirishga harakat qildi, ammo mezbonlar ishonchli himoyalanib, durangni saqlab qolishdi.

Natijada, kataloniyaliklar "Real" bilan ochkolar farqini 15 ochkoga yetkazishdi, ammo endi "Atletiko" peshqadamdan atigi 5 ochko ortda qolmoqda.

Ispaniya La ligasi, 26-tur
Betis – Real Sosyedad 0:0 (0:0, 0:0)
Betis – Adan, Mandi, Bartra, Firpo, Gerrero, Garsiya, Fabian Ruis, Durmisi, Budebuz (Sanches, 69), Leon (Ruben Kastro, 69), Telyo (Kamarasa, 83).
Real Sosyedad – Moyya, Odriosola, Lyorente, Moreno, de la Belya, Ilyarramendi, Subeldiya, Surutusa (Guridi, 66), Kanales, Xuanmi (YAnuzay, 73), Oyarsabal (Bautista, 90).
Ogohlantirishlar: Leon (35), Bartra (56).

Las-Palmas – Barselona 1:1 (0:1, 1:0)
Gollar: 0:1 – 21 Messi, 1:1 – 48, penalti Kalyeri.
Las-Palmas – Chichisola, Agirregaray, Galves, Ximo Navarro, Kastelyano (Masedo, 76), Etebo, Gomes (Akvilani, 70), Xalilovich, Dominges, Samperio (Garsiya Santana, 86), Kalyeri.
Barselona – ter Stegen, Serdji Roberto, Umtiti, Vermalen, Din, Aleish Vidal (Koutinyo, 57), Buskets, Paulinyo (Rakitich, 63), Inyesta (Dembele, 75), Messi, Suares.
Ogohlantirishlar: Agirregaray (5), Kastelyano (10), Ximo Navarro (20), Din (24), Serdji Roberto (41), Umtiti (52), Etebo (66), Galves (68), Kalyeri (90).

Alaves – Levante 1:0 (0:0, 1:0)
Gol: 1:0 – 90 Laguardia.
Alaves – Pacheko, Agirregabiria, Laguardia, Eli, Duarte, Ibai Gomes, Pina, Manu Garsiya, Pedrasa (Burgi, 78), Gvidetti (Sobrino, 70), Munir.
Levante – Olasabal, Pedro Lopes, Kabako, Rodriges, Luna, Lerma, Morales, Kampanya (Rober, 34), Lukich, Ivi Lopes, Marti (Boateng, 46).
Ogohlantirishlar: Pedro Lopes (31), Munir (31), Pedrasa (33), Rober (44), Pina (47), Boateng (54), Lerma (60).
Chetlatishlar: Rodriges (29), Munir (77).