Braziliyalik afsungar Joze Fransua dush Santush o‘z mamlakatida taniqli afsungar sifatida “Karlingos” nomi bilan mashhur.

U o‘z vaqtida Braziliya terma jamoasining 2014 yilgi mundialdagi yirik mag‘lubiyatini (1:7, Germaniyaga qarshi), Neymarning jarohatini hamda Shapekoense fojiasini bashorat qilgandi.

Buni qarangki, 2017 yilda u Neymarning 2018 yilgi mundialdan oldin jiddiy jarohat olishini ham aytgan ekan. Xususan, “Tribuna Norte de Parana” gazetasining birinchi sahifasida uning quyidagi bashorati chop etilgan: “Braziliya 2018 yilgi jahon chempionatida Neymardan foydalana olmaydi. Chunki u jarohat oladi va 5 yoki 7 oyga safdan chiqadi. Ehtimol, undan kamroqdir. Neymar jahon chempionatida o‘ynagan taqdirda ham atigi bitta yoki ikkita o‘yinda maydonga tushishi mumkin”.

Neymar “Marsel”ga qarshi o‘yinda jiddiy jarohat oldi va mavsumning qolgan qismini o‘tkazib yuboradi. U jahon chempionatida qatnasha olmasligi xavfi ham bor.