Бразилиялик афсунгар Жозе Франсуа душ Сантуш ўз мамлакатида таниқли афсунгар сифатида “Карлингос” номи билан машҳур.
У ўз вақтида Бразилия терма жамоасининг 2014 йилги мундиалдаги йирик мағлубиятини (1:7, Германияга қарши), Неймарнинг жароҳатини ҳамда Шапекоэнсе фожиасини башорат қилганди.
Буни қарангки, 2017 йилда у Неймарнинг 2018 йилги мундиалдан олдин жиддий жароҳат олишини ҳам айтган экан. Хусусан, “Tribuna Norte de Parana” газетасининг биринчи саҳифасида унинг қуйидаги башорати чоп этилган: “Бразилия 2018 йилги жаҳон чемпионатида Неймардан фойдалана олмайди. Чунки у жароҳат олади ва 5 ёки 7 ойга сафдан чиқади. Эҳтимол, ундан камроқдир. Неймар жаҳон чемпионатида ўйнаган тақдирда ҳам атиги битта ёки иккита ўйинда майдонга тушиши мумкин”.
Неймар “Марсел”га қарши ўйинда жиддий жароҳат олди ва мавсумнинг қолган қисмини ўтказиб юборади. У жаҳон чемпионатида қатнаша олмаслиги хавфи ҳам бор.
