Farg‘onada bo‘libo‘tgan ”Neftchi” – “Nasaf”  uchrashuvida hisobochilmadi.

Uchrashuv boshlanishi oldidan “Istiqlol” stadionida yangi futbol mavsumini tanatanali ochilish marosimlari bo‘lib o‘tdi. Bir guruh san’atkorlar tomoshabinlarga konsert dasturini taqdim qilishdi.

O‘zbekiston Milliy olimpiya qo‘mitasi prezidenti, O‘zbekiston futbol assosiasiyasi birinchi vise-prezidenti Umidjon Ahmadjonov ham Farg‘onaga tashrif buyurib, barcha muxlislarni yangi mavsum boshlanishi bilan samimiy muborakbod etdi.

O‘yinni esa ramziy ma’noda o‘zbek futboli faxriysi Birodar Abduraimov to‘pni maydon markazidan o‘yinga kiritib, ochib berdi.

Uchrashuv juda shiddatli va murosasiz kurashlarga boy bo‘ldi. Bugun hujumchimiz Dragan Cheran kichik jarohati bois, jamoamizga yordam bera olmadi. Maydonga tushgan futbolchilarimiz esa bor kuchlari bilan harakat qilishdi. Ammo maydon egalarining g‘alabaga bo‘lgan ishtiyoqi orqali, qarshiligi ham sezilib turdi.

Uchrashuvning 11-daqiqasida kutilmagan ko‘ngilsiz voqea yuz berdi. Yarim himoyachimiz Doniyorjon Narzullayev raqib himoyachisi bilan tuqnashib ketdi va jarohat oldi. Narzullayev oqibatda o‘yinni davom ettira olmsligi ma’lum bo‘ldi va murabbiylarimiz uning o‘rniga Islom Kenjaboyevni maydonga tushirishdi. Doniyor Narzullayev endi shifokorlar ko‘rigidan o‘tkaziladi va qachon maydonga tushishiga aniqlik kiritiladi.

Uchrashuvda har ikkala jamoada ham gol urish uchun yaxshi imkoniyatlarga ega  bo‘ldi. Lekin gol urish hech bir jamoa futbolchisiga nasib etmadi.

Shunday qilib, jamoamiz Superligani durang boshladi va o‘z hisobiga dastlabki ochkoni yozdirib qo‘ydi.

“Nasaf” endi 5 mart kuni OCHL-2018 3-tur uchrashuvini o‘z maydonida o‘tkazadi. Shu kuni “ajdarlar” Qatarning “Al Sadd” klubiga qarshi bahs yuritadi.

Superliga, 1-tur

“Neftchi” (Farg‘ona) – “Nasaf” (Qarshi) 0:0