Фарғонада бўлибўтган ”Нефтчи” – “Насаф” учрашувида ҳисобочилмади.
Учрашув бошланиши олдидан “Истиқлол” стадионида янги футбол мавсумини танатанали очилиш маросимлари бўлиб ўтди. Бир гуруҳ санъаткорлар томошабинларга концерт дастурини тақдим қилишди.
Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице-президенти Умиджон Аҳмаджонов ҳам Фарғонага ташриф буюриб, барча мухлисларни янги мавсум бошланиши билан самимий муборакбод этди.
Ўйинни эса рамзий маънода ўзбек футболи фахрийси Биродар Абдураимов тўпни майдон марказидан ўйинга киритиб, очиб берди.
Учрашув жуда шиддатли ва муросасиз курашларга бой бўлди. Бугун ҳужумчимиз Драган Черан кичик жароҳати боис, жамоамизга ёрдам бера олмади. Майдонга тушган футболчиларимиз эса бор кучлари билан ҳаракат қилишди. Аммо майдон эгаларининг ғалабага бўлган иштиёқи орқали, қаршилиги ҳам сезилиб турди.
Учрашувнинг 11-дақиқасида кутилмаган кўнгилсиз воқеа юз берди. Ярим ҳимоячимиз Дониёржон Нарзуллаев рақиб ҳимоячиси билан туқнашиб кетди ва жароҳат олди. Нарзуллаев оқибатда ўйинни давом эттира олмслиги маълум бўлди ва мураббийларимиз унинг ўрнига Ислом Кенжабоевни майдонга туширишди. Дониёр Нарзуллаев энди шифокорлар кўригидан ўтказилади ва қачон майдонга тушишига аниқлик киритилади.
Учрашувда ҳар иккала жамоада ҳам гол уриш учун яхши имкониятларга эга бўлди. Лекин гол уриш ҳеч бир жамоа футболчисига насиб этмади.
Шундай қилиб, жамоамиз Суперлигани дуранг бошлади ва ўз ҳисобига дастлабки очкони ёздириб қўйди.
“Насаф” энди 5 март куни ОЧЛ-2018 3-тур учрашувини ўз майдонида ўтказади. Шу куни “аждарлар” Қатарнинг “Ал Садд” клубига қарши баҳс юритади.
Суперлига, 1-тур
“Нефтчи” (Фарғона) – “Насаф” (Қарши) 0:0