Madridning “Real” klubi bosh murabbiyi Zinedin Zidan “PSJ”ga qarshi uchrashuv oldidan raqib futbolchisi Neymar haqida gapirdi.

“PSJ” bu juda kuchli jamoa va o‘ylashimcha, Emeri Neymar o‘rnini bosa oladigan futbolchiga ishonadi. Shuning uchun biz Neymarsiz o‘ynash oson degan fikrni umuman hayoldan chiqarib yuborishimiz kerak. Neymarning borligini sezishga majburmiz.

Futbolchilar doim katta o‘yinlarda o‘zlarini ko‘rsatishni istashadi, lekin seshanba kungi o‘yin uchun “Xetafe”ga qarshi o‘yinni foydamizga hal qilishga harakat qilamiz.

Asosiysi, Marselo safga qaytdi, Kroos va Modrichlarning ahvolidan ham har kuni xabar olib turibmiz, ular Parijdagi bahsga qadar to‘liq tayyor bo‘lib ulgurishadi”, – dedi Zidan.