Buxoro shahrida bo‘ladigan “Buxoro” – “Qo‘qon-1912”  jamoalari uchrashuvidan oldin har ikki jamoa bosh murabbiylari va bir nafardan futbolchilar ishtirokida matbuot anjumani bo‘lib o‘tdi. Anjumanda dastlab mehmon jamoa murabbiy va futbolchisi so‘ngra mezbonlar ishtirok etishdi.

No‘’mon  Hasanov: Barchangizni va barcha  muxlislarni boshlanayotgan futbol mavsumi bilan tabriklayman. Bu yilgi mavsumga biz 20-dekabrdan tayyorgarlik ko‘rishni boshlaganmiz.Maqsadimiz futbolchilarimizni shu mavsumga yaxshi tayyorlash edi. Jamoamizni qanday tayyorlaganimizni bugungi o‘yin ko‘rsatadi. Tarkibimizda yo‘qotishlar bor, lekin bu maqsadimizga to‘sqinlik qila olmaydi.Tarkibimizdagi hamma futbolchilar teng, ular  bir-birlariga bemalol raqobat qila oladilar. Meni vazifam o‘yinchilarni o‘yinga to‘g‘ri tayyorlash. Men futbochilarimni bugungi o‘yinga ruxan tayorlay oldim deb xisoblayman. Futbolchilarim meni ko‘rsatmalarimni qanday qabul qilishdi , barchasini o‘yin ko‘rsatadi. Ertalab futbolchilarga maqsadimizni tushuntirdim, ular to‘g‘ri tushinishdi deb o‘ylayman. Biz o‘yinga tayyormiz, raqibdan qo‘rqish yo‘q. Futbolchilar bergan ko‘rsatmalarimizni to‘g‘ri bajarishsa , maqsadimizga albatta erishamiz. Biz doim faqat g‘alaba uchun maydonga chiqamiz.
Bahodir Pardayev: Men Buxoroda 2016 yilda o‘ynaganman. Men uchun bu shahar begona emas. Shaxsan No‘’mon aka Hasanovni takliflari bilan “Qo‘qon-1912”ga kelganman. No‘’monakadek murabbiy bilan ishlashni barcha futbolchilar hohlashadi. Koreyada ham o‘ynab keldim. Hozirda Qo‘qonda o‘ynamoqdaman , demak jamoa uchun borimni beraman. O‘FA katta o‘zgarishlarga qo‘l urdi, chempionatimiz judayam qiziq bo‘ladi deb o‘ylayman. Hamma jamoadoshlarim natija uchun astoydil harakat qiladilar.  Barchamiz o‘yinga tayyormiz, maqsadimiz Qo‘qonlik muxlislarni xursand qilish.

Ulug‘bek Baqoyev:  Avvalo hamangizni chempionat boshlanayotgani bilan tabriklamoqchiman. Barcha jamoalarga omad tilayman. Bu yil superligada 12 ta jamoa ishtirok etadi, o‘ylaymanki barcha o‘yinlar shiddatli va qiziqarli o‘tadi. Muxlislar chiroyli o‘yinlar guvohiga aylanishadi.
Bugun birinchi o‘yin, hammamiz insonmiz, hammada biroz hayajon bor.O‘z uyimizda o‘ynaymiz. Futbolchilarni psixologik jixatdan yaxshi tayoyrlashga harakat qildik. Bitta yo‘qotish bor , Ergash Ismoilov jarohati bois bugun maydonga tusha olmaydi.
Qo‘qon jamoasini yaxshi bilaman, judayam tartibli o‘yin ko‘rsatadigan, yuqori maqsadlarni ko‘zlaydigan jamoa. Ularni bir nechta o‘rtoqlik o‘yinlarini ko‘rdik. Jamoa menda yaxshi taassurot qoldirdi. Bugun og‘ir o‘yin bo‘ladi.Ikkala jamoaga ham omad tilayman. Biz raqibni hurmat qilamiz. Maydonga esa faqat g‘alaba uchun tushamiz.
Bahodir Nasimov: Hammani futbol bayrami bilan tabriklayman. Maqsadlarimiz har bir o‘yinda g‘alaba qozonish. Bugun ham shu maqsadda maydonga chiqamiz.