Kataloniyaning “Barselona” klubi bosh murabbiyi Ernesto Valverde Madridning “Atletiko” jamoasiga qarshi o‘yinda maydonga tushishi mumkin bo‘lgan 18 nafar futbolchi ro‘yxatini taqdim etdi.
E’tiborli tomoni shundaki, jarohati sabab himoyachi Nelson Semedu va yarim himoyachi Denis Suares mazkur o‘yinda “Barselona”ga yordam bera olmaydi. Ularning nomlari shu sabablarga ko‘ra, qaydnomaga kiritilmagan.
Demak, “Barselona” “Atletiko”ga qarshi o‘yinda quyidagi futbolchilar yordamidan foydalanishi mumkin.
Darvozabonlar: Mark-Andre ter Shtegen, Yasper Sillessen.
Himoyachilar: Tomas Vermalen, Jerar Pike, Lyuka Din, Samyuel Yumtiti, Jordi Alba, Serxi Roberto.
Yarim himoyachilar: Ivan Rakitich, Serxi Buskets, Paulinyo, Andres Inyesta, Andre Gomesh.
Hujumchilar: Filippe Koutinyo, Luis Suares, Lionel Messi, Usman Dembele, Pako Alkaser.
Ma’lumot uchun, “Barselona” – “Atletiko” uchrashuvi ertaga, 4 mart kuni Toshkent vaqti bilan 20:15 da boshlanadi.
