Nihoyat qo‘qonlik futbol muxlislari orziqib kutgan onlar yetib keldi. Bugun jamoamiz yangi formatdagi Superligadagi ishtirokini boshladi. Ushbu mavsumga jiddiy tayyorgarlik ko‘rgan vakillarimiz birinchi turni Buxoroda o‘tkazishdi. Mazkur o‘yinga bo‘lgan qiziqish juda yuqori edi. Boisi mavsum-2018da har ikki jamoa vakillari ham o‘z oldidariga yuqori maqsadlarni qo‘yishgan.
Bugun jamoamizda bir qator yo‘qotishlar bo‘ldi. Bahodir Akramov, Milan Spremo, Jamshid Hasanov, Bahodir Pardayev va Muzaffar Abdullayevlar maydonga tusha olishmadi.
Ilk daqiqadan hujumga tashlandik.Biroq undan unumli foydalana olmaldik. Oradan bir daqiqa o‘tib, mezbonlar xavfli vazityani yaratishdi. O‘tkir Yusupov o‘z mahoratini namoyish etib xavfni bartaraf etdi.
10-daqiqada buxoroliklar hisobni ochishga ancha yaqin kelishdi. So‘nggi pallada San’at Shixovga aniqlik yetishmadi.
15-daqiqada Darko Gojkovich to‘pi raqibdan olib qo‘ydi. Biroq uning zarbasi manziliga yetib bormadi.
20-daqiqada futbolchilarimizdan ajoyib kombinasiya. Muhammadanas Hasanovning zarbasi samarasiz yakunlandi. 40-daqiqada Suhrob Berdiyev raqibini aldab o‘tib, jarima maydonchasiga kirib bordi. Biroz to‘xtab zarba bermoqchi bo‘lgandi. Himoyachi undan to‘pni olib qo‘ydi.
Birinchi bo‘limning so‘nggi daqiqalarida har ikki jamoada ham darvozani ishg‘ol etish uchun vaziyatlar vujudga keldi. Lekin ulardan foydalana olmaslik oqibatida jamoalar tanaffusga 0:0 hisobida chiqib ketishdi.
Ikkinchi taym ham shiddatli va keskin kurashlar ostida boshlandi.
61-daqiqada Muhammadanas Hasanovning boshi bilan bergan zarbasi muxlislarni hayajonga soldi. 70-daqiqada mezbonlar hujumi juda xavfli ko‘rinish oldi. So‘nggi pallada himoyachilarimiz to‘pi qaytarishga muvaffaq bo‘lishdi. 76-daqiqada Xolmuhammedovning zarbasi darvozabon to‘pni maydon tashqarisiga chiqarib yubordi.
79-daqiqada burchakdan oshirib berilgan to‘pni Artyom Filiposyan darvozamizga aniq yo‘llab hisobni ochdi.
Qolgan daqiqalardagi hujumlarimiz samara bermadi. Natijada Superligani mag‘lubiyat bilan boshladik.
"Qo‘qon-1912" futbolchilariga qo‘yilgan ballar:
Darvozabon: O‘tkir Yusupov - 7 ball
O‘ng qanot himoyachisi: Murod Xolmuhammedov - 6 ball
Markaziy himoyachi: G‘iyos Komilov - 6,5 ball
Markaziy himoyachi: Marko Milich - 6 ball
Chap qanot himoyachi: Aleksandr Merzlyakov - 6 ball
Tayanch yarim himoyachi: Darko Gojkovich - 6 ball
Markaziy yarim himoyachi: Quvondiq Ro‘ziyev - 6 ball
Markaziya yarim himoyachi: Javohir Sidiqov - 6 ball
Vinger: Suhrob Berdiyev - 5,5 ball
Vinger: Muhammadana Hasanov - 6,5 ball
Hujumchi: Nosir Otaqo‘ziyev - 6 ball
Bosh murabbiy: No‘’mon Hasanov - 6 ball.
